Díana

Íslandsferðin mikla

2008-08-20T12:32:00.003Z

É g og Nonni fórum heim til Íslands í tvær vikur. Allt í allt frábær ferð, náðum að heimsækja flesta og skemmtum okkur bara mjög vel. Það var sérstaklega gaman að koma aftur heim til Akureyrar. Ég og Karen tókum góðann rúnt sem auðvita felur í sér brynjuís, sund og te og kaffi. Ekki má gleyma að við tókum einnig kvöld rúntinn sem aftur á móti fól í sér Karólínu, Amor og Kaffi Ak. Kaffi sviti svíkur engann, það var heitt, sveitt og ótrúlega einhæf tónlist. Að lokum segi ég bara við þá sem ég hitti, gaman að sjá ykkur og við hina segi ég sjáumst seinna. hitti, gaman að sjá ykkur og við hina segi ég sjáumst seinna.

Þjóðhátíðardagur Norðmanna, Pompey vinna titilinn, Eurovision og afmælið mitt!

2008-06-01T13:20:00.012Z

Það er svo sannalega búið að vera mikið að gera síðasta mánuðinn. Þjóðhátíðardagur Norðmanna bar upp á sama dag og Portsmouth spilaði á móti Cardiff um titilinn FA Cup. Okkur var boðið á spænska barinn til að horfa á leikinn þar, svo Norðmenn urðu að sætta sig við spænskt tapas og ítalskan bjór á sínum þjóðhátíðardegi. Pompey vann titilinn og Norðmenn halda enn sjálfstæði sínu...og við skemmtum okkur alveg frábærlega vel. Einsog flestir vita þá er Eurovision eitthvað sem Íslendingar taka sérstaklega alvarlega, hérna aftur á móti segist enginn horfa á keppnina en einhvernvegin vita allir allt um hana. Þykir ofboðslega púkó, til þess að gefa þessu góða landi eitthvað tilbaka ákváðum við Nonni að halda ekta Eurovision partý til þess að sýna Bretunum hvernig á að gera þetta, skammarlaust. Við buðum Anne og Ben, nokkrum bekkjarfélögum Nonna og Skoska barfélaga okkar. Ég og Anne elduðum tapas og stóðum okkur satt best að segja glæsilega. Þegar leið á kvöldið var orðið nokkuð greinilegt að allir vissu meira um keppnina heldur en þeir vildu viðurkenna. (Ég kaus Ísland, fjórum sinnum). Allt í allt gott kvöld og allir skemmtu sér vel. Jájá ég átti víst líka afmæli, en auðvita einsog mér einni er lagið var ég í prófum yfir afmælið mitt, síðasta prófið var þann 28 þannig að afmælinu var frestað um einn dag. Ég vil bara segja takk innilega fyrir allar kveðjurnar og gjafirnar sem ég fékk. Ég fékk Karen Millen kjól frá Nonna sem var geðveikt flottur, Anne og Ben gáfu mér ofboðslega flottan hring sem skartgripakonan í götunni gerði, aðrir gáfu mér pening sem hefur komið sér mjög vel. Ég hressti ærlega upp á fataskápinn minn sem var orðinn frekar þunglyndislegur og keypti mér sólgleraugu sem hafa komið sér mjög vel hérna í sólskininu. Núna hefst svo vinnan við lokaverkefnið!

Paris in the spring

2008-03-27T20:04:00.011Z

Við Nonni ákváðum að láta langþráðan draum minn rætast og skreppa til Parísar um páskana. Fyrst við búum tiltölulega stutt frá London ákváðum við að reyna nýtt og fara með lestinni frá London til Parísar. Við vorum 4 daga í borg rómantíkarinnar og náðum að skoða allt sem við höfðum ákveðið að skoða áður en við lögðum af stað.

Signa – fyrsta daginn okkar ákváðum við að fara í siglingu niður Signu til þess að átta okkur betur á borginni og sjá hvað það var sem við vildum skoða nánar. Við keyptum miðana og sólin skein, en líkt og á Íslandi þá skipast skjótt veður í lofti og allt í einu byrjaði haglél! Slíkt höfðum við ekki séð síðan á Íslandi og vakti þetta mikla kátínu hjá mér. Siglingin var því ekkert frábær en ágæt til þess að átta sig á borginni.

Eiffel turninn – þegar við komum á staðinn sáum við einhverja þá rosalegustu röð sem við höfum nokkur tíman séð. Sem betur fer gekk röðin mjög hratt og við kynntumst yndislegri norskri fjölskyldu á leiðinni. Ákveðið var að það var allt eða ekkert og því keyptir miðar alla alla leið upp. Útsýnið var frábært og algjörlega þess virði.

Louvre – ég verð bara að segja iss piss, þetta safn fær í mesta lagi 2 og hálfa stjörnu hjá okkur Nonna. Þetta er einn af helstu ferðamannastöðunum í París og ekki einn stafur á ensku, allt á frönsku! Meira að segja lesningarnar um listamennina voru bara á frönsku. Safnið var troðið, hávært og frekar yfirþyrmandi. Við skoðuðum ítölsku og frönsku meistarana, kíktum á Mónu Lísu og Venus. Á rosalega erfitt með að mæla með þessu safni, kannski ef það er nógur tími og þú hefur ekkert annað að gera.

Notre Dame – Stórglæsileg bygging, við ákváðum þó að við nenntum ekki í eina röðina enn til þess að fara inn en skoðuðum kirkjuna að utan. En einnig er frábært að labba um eyjuna sem Notre Dame stendur á í miðri Signu og sömu sögu er að segja um minni eyjuna sem er í göngu færi frá kirkjunni.

Auk þessara stórvirkja skoðuðum við einnig, Sigurbogann, Óperuna, Pompidou safnið, Lúxemborgar og Túlípana garðanna, Champs-Elysées, Pantheon. Allt í allt góð ferð, fínt hótel og við náðum að panta nokkuð góðan mat þrátt fyrir litla sem enga kunnátti í frönsku.

Oxford og Bristol

2008-02-11T20:01:00.000Z

Ferð: frá Portsmouth til Oxford, Oxford til Bristol og Bristol til Portsmouth Ferðakostur: Lest

Ferðalangar: Díana, Nonni, Anne og Bendikt Oxford: fær 3 ½ stjörnu. Frábærlega fallegar byggingar, hæðstu einkunn fær St. Marie Virgin kirkjan. Hægt er að fá að fara upp í kirkjuturninn gegn hóflegri þóknun og er útsýnið þaðan svo sannalega þess virði. Annar staður sem er svo sannalega þess virði að skoða er Christ Church, en það er kirkja og skóli þar sem hluti af Harry Potter myndunum var tekinn upp. Hægt er að skoða matsalinn sem notaður er í myndinni og er það frekar yfirþyrmandi. Það eina sem ég var ekki að fíla við Oxford var nett snobb sem virðist vera þar í gangi, engir gestir velkomnir skiltu voru víða uppi. Iss piss mig langar ekkert að fara þangað þar sem ég er ekki velkomin.Góðir staðir til að borða: Quad, 4 stjörnu veitingastaður sem minnst er á í nýju Michellin guidebókinni. Branca, ítalskur staður með þrusu góðar pizzur og mjög flottar skreytingar.

Bristol: mjög hip og happening staður sem fær 3 stjörnur. Það eru kannski ekki eins margir staðir sem hægt er að skoða eins og í Oxford að vera í Bristol er meira upplifun. Lifandi tónlist á hverju götuhorni. Ekki skemmdi fyrir að sólin skein eins og aldrei áður þessa tvo daga sem við vorum þar. Það er þess virði að klæða sig í gönguskóna og labba upp í hverfi sem heitir Clifton þar eru markaðir og margar skemmtilegar smá búðir. Einnig er fyrsta hengibrúin staðsett þar rétt hjá. Góðir staðir til að borða: Browns, gamalt hús með miklum tröppum sem frábært er að sitja á í sólinni. Einnig mæli ég sérstaklega með frábærum indverskum stað sem heitir Old India.

All and all...frábær ferð

Próf ...og annað!

2008-01-27T14:41:00.000Z

Núna er próftíðin byrjuð hjá mér og er ég búin með eitt próf og á bara tvö eftir. Því miður eru erfiðu prófin eftir mér til mikillar gleði. Núna er það eina sem ég get hugsað um að þrauka þessa viku og þá get ég tekið gleði mína á ný. En þótt próftíðin standi sem hæst þá verður maður sem breti að fara á kránna og fá sér drykk með vinum og vandamönnum. Var því stefnan tekin á okkar uppáhaldsstaði á föstudaginn, breskustu krá sem ég hef komið á The Hole in the Wall. Þegar þú opnar hurðina finnurðu ilminn af stöðnuðum bjór sem sullast hefur niður í viðarplankana á gólfinu, þarna eru allir velkomnir og hitti ég einn 18 mánaða fastagest þar þetta kvöld. Það er ávallt freistandi að skella sér á spænska þegar við erum komin í þessa götu og eftir nokkra drykki og því var stefnan auðvita tekin þangað á föstudaginn. Þar mættum við íslenskum saumklúbb sem samanstóð af nokkrum íslenskum konum sem tóku vel á móti okkur og vinum okkar sem reyndu að nota öll þau íslensku orð sem við höfum kennt þeim (mest var „kjaftæði“ notað). Merkileg menning þar sem maður getur farið út og ávallt haft drykk í hendi og aldrei tekið upp veskið! Ég veit ekki hvort það er tengt háu verði á áfengi heima eða skort á herramennsku en þetta ekki eitthvað sem ég hef átt að venjast. Við náðum þrátt fyrir þetta að vera komin tiltölulega snemma heim enda beið okkar mikill lestur morguninn eftir. Í öðrum fréttum er þetta helst, ég og Nonni erum búin að bóka okkur ferð til Parísar yfir páskana. Vorum við mikið að velta fyrir okkur hvort við ættum að fara heim eða ferðast eitthvað annað. Ákvörðunin varð mjög auðveld þegar verðið á miðunum var skoðað, þetta var val um 70 þúsund til þess að fara heim til íslands eða 18 þús að fara til Parísar. Æji ísland má þá bara bíða aðeins lengur.

Jól og áramót í Portsmouth

2008-01-03T12:04:00.001Z

Það var snemma ákveðið að prófa jól annarsstaðar en heima á Íslandi. En maður getur ekki sleppt öllu mamma varð að koma og Karen kom líka til okkar á aðfangadag. Jólin voru haldin hér að breskum sið og engir pakkar opnaðir fyrr en á jóladagsmorgun. Í stað hangikjöts og hamborgarahryggs á jóladag heima hjá afa og ömmu var paté, ostar og kampavín. Við Nonni fengum ótrúlega marga pakka senda til okkar með mömmu enda fer hún heim með hálf tóma tösku. Og já, við þökkum kærlega fyrir allar gjafirnar og kortin! Ég komst að því að hefðirnar í kringum jólin eru mér ekki jafn heilagar og hefðirnar í kringum gamlárs, það vantaði rosalega mikið upp á það. Brennuna, flugeldana og gestina! Ég hef tekið þá ákvörðun að þegar ég er orðin stór að halda stóra veislu á gamlárs, það gæti bara verið að þeir yrði boðið. Nýja árið færði okkur fleiri góða gesti, 1 jan komu Hulda og Bobbý í heimsókn, þau gáti því miður aðeins stoppað í 2 daga þar sem þau eru að flytja ..en gang til.. til útlanda. Við náðum þó að fara öll saman út að borða á Rosie‘s Vinyard og sluppum þaðan södd og rík. Þá hefst törnin, próf í lok janúar. Gleðilegt nýtt ár!

London

2007-12-03T10:04:00.000Z

Síðustu helgi fórum við Nonni til London til þess að hitta gamla vinnufélaga hans Nonna, þá Gumma og Bigga og konurnar þeirra. Við gistum á hóteli í Bayswater nálægt Notting Hill, þegar við mætum á hótelið er okkur tilkynnt að herbergið okkur hafi verið upgradað og fengum við því svítu sem var flottasta herbergið á hótelinu! Herbergið var á tveimur hæðum með stofu og tveimur sjónvörpum.Á föstudagskvöldinu fórum við á We will rock you, queen show-ið, það var rosalega skemmtilegt. Við vorum öll svo hátt uppi þegar því var lokið að það var ekki sjens að við færum að sofa og fórum því að Sohóast. Við fundum okkur nokkra klassíska breska pödda og enduðum svo á Cheers, ávallt klassískur.Á laugardaginn fórum við svo a Portobello Road á markaðinn. Þar var hægt að fá allt frá notuðum gasgrímum til Louis Vuitton töskum. Það var ótrúlegt að sjá hvað það var rosalegur fjöldi á markaðnum þennan laugardag. London er svo sannalega komin í jólafötin og var nokkuð greinilegt að ég þyrfti að gera eina ferð þangað aftur fyrir jól. Í öðrum fréttum er þetta helst, við erum komin með Sky tv og getum því eytt öllum okkar stundum fyrir framan sjónvarpið ef okkur dytti það í hug. En þetta þýðir að fyrir lok þessarar viku ættum við að vera komin með net heima og getum því leyft nágrannanum að eiga netið sitt í friði!

Nokkrar myndir frá Portsmouth

2007-11-26T10:39:00.000Z

For those who like to know...yes I’m still alive

2007-10-09T08:43:00.000Z

Já við erum komin til Portsmouth og erum byrjuð að koma okkur fyrir, reyndar er ekki nema hluti af húsgögnunum sem við pöntuðum komin. En vonandi kemur restin í þessari viku, ég er að verða frekar þreytt á því að borða af pappakassa í stað borðs. Okkur líður rosalega vel hérna og erum alveg að fíla þetta í botn. Portsmouth er lítill og skemmtilegur bær með flest öllu sem maður þarf. Ég er meira að segja búin að fara í eina góða innkaupaferð! Skólinn byrjaði í gær af einhverju viti, erum bara búin að vera í kynningartímum fram að því. Ég var alveg komin með nóg af þessu endalausu kynningum og vildi bara fá að skella mér í djúpu laugina og fara að gera eitthvað. Bekkurinn minn er mjög fjölbreyttur og sérstaklega fjölþjóðlegur, við erum með 1 breta, 2 norðmenn, 3 kínverja, 1 indónesabúa, 1 saudi araba, 1 grikkja, 1 frá rúmeníu, 1 frá amman, 1 frakka, 1 tælending, 2 nígeríubúa.Þannig að þegar það kemur að þvi að ræða menningarmun þá höfum við um nóg að tala. En þetta virðist ætla að verða mjög þéttur og samheldinn bekkur. Um leið og ég er komin með internet heim þá mun ég setja inn myndir af íbúðinni svona fyrir þá sem ætla ekki að gera sér ferð til Englands til þess að heimsækja okkur.

3 Victoria Road South

2007-09-10T13:20:00.001Z

Við erum komin með íbúð í Portsmouth, allir gestir eru velkomnir þar sem við erum með auka herbergi.

Hérna til hliðar má sjá mynd sem ég tók úr leigubíl á fleygiferð framhjá. Önnur hæð í svarta húsinu, við eigum semsagt báða gluggana og svalirnar.

Íbúðin var í útleigu af tveimur beskum strák rokkurum með frekar lítið hreinlæti. En það má vel þrífa!

Við flytjum inn 24. sept og eru allir gestir velkomnir eftir þann tíma.

Sumargrill Kaupþings

2007-08-15T19:57:00.000Z

Verslunarmannahelgin!

2007-08-09T19:35:00.001Z

Apartment hunting!

2007-08-05T14:55:00.000Z

I think I need to get myself some "apartment pants" Ég er á útopnu að reyna að finna stað til að búa á í Portsmouth. Ég get verið fáranlega picky og get ekki hugsað mér að búa hvar sem er. Ég var að skoða íbúðir sem eru leigðar með húsgögnum en var ekki sérstaklega hrifin. Gamlir brúnir ógeðslegir sófar eru ekki að heilla mig, sömu sögu má segja um gólfteppi. Af hverju eru gólfteppi svona algeng í Bretlandi, hvernig datt þeim þetta í hug. Ég er búin að finna nokkrar íbúðir sem ég gæti alveg hugsað mér að búa í og tvær þeirra eru svo flottar að mig langar að eiga þær. Ég sendi inn fyrirspurn um þær tvær og verður gaman að heyra hvað þeir segja.

Friend

2007-07-25T21:59:00.000Z

Góður vinur er sá sem leysir þig úr fangelsi þegar þú ert búinn að gera einhverja vitleysu af þér... Sannur vinur er sá sem er í klefanum við hliðina á þér og segir "djöfull var gaman í gær"

2007-05-24T12:50:00.000Z

Himnarnir gráta yfir vonsku mannanna

2007-05-08T16:18:00.000Z

Mig langar að fara að skjæla þegar ég les svona sorglegar fréttir. Hvað er maður svo alltaf að væla, hérna á Íslandi

Favorite Worst Nightmare

2007-05-07T14:25:00.000Z

Ég verð að mæla með þessari plötu! Þeir eru alveg frábærir, það er ekki að ástæðulausu að hvert einasta lag á þessum disk er komið á topp 200 í Bretlandi.

Djamm mánuðurinn ógurlegi

2007-05-07T13:02:00.000Z

Þessi mánuður er alveg rosalegur... Allt frá dægurlagahátíð á Sauðakrók til kosning, Eurovision og afmæli. Þetta er hressandi mánuður og sumarið er alveg að koma. Það verður nett Eurovision partý í Huldugilinu en ég veit ekkert hvað ég á að gera í tilefni af afmælinu mínu! Einhverjar hugmyndir?

Everybody wants a piece of me!

2007-04-16T17:40:00.000Z

Já í var að fá póst á Bristol þeir vilja líka fá mig til sín. Bristol eða Portsmouth, það er spurning!

Myndir af Barmahlíð 40

2007-04-14T17:16:00.000Z

Huldugil 74....selt!

2007-04-06T11:49:00.000Z

Jæja frá og með 1. ágúst er fjölskyldan í Huldugilinu orðin heimilislaus. Jamm húsið var selt í gær, allir mjög sáttir. Það er samt frekar skrítið að vera að flytja eitthvert annað því 4 apríl vorum við búin að búa hérna í 13 ár! Núna erum við mamma á fullu að skoða ný hús á netinu. Allt mjög spennandi!

Helgar-stelpu-ferð

2007-04-02T19:59:00.000Z

Ég og mamma þurftum að fara til Reykjavíkur um helgina til þess að fara í fermingarveislu og ég var það sniðug að grípa hana Karen með í ferð! Það var rosalega gaman, við gátum verslað góðan slatta. Um kvöldið fórum við út að borða á Einar Ben, það var alveg frábært. Ég mæli eindregið með staðnum, frábær þjónusta, geggjaður matur og frábært andrúmsloft. Síðan ákváðum við Karen að kíkja aðeins á Sólon og skella okkur á dansgólfið. Það er almennt ekki frásögu færandi en tónlistin var alveg ótrúlega ömuleg, þvílíkt samansafn af viðbjóð. Þegar maður sér karlmenn dansa og syngja hástöfum með Spice Girls veit maður ekki hvað maður á að halda. Það hlýtur að vera hægt að standa sig betur í því að velja tónlist!

Háskóla fréttir

2007-03-28T20:45:00.000Z

Í háskóla fréttum er þetta helst....Nonni er búinn að fá svar frá Portsmouth, hann komst inn! Ég er enn að bíða eftir svari frá þeim, greinilegt að jarðfræðideildin er fljótari að svara en mín. En þetta eru samt stórar fréttir, þótt ég komist ekki inn þá ætla ég samt út með Nonna svo þetta þýðir þá líklega að við séum að flytja til Bretlands!!! Núna verð ég líklega að draga andann djúpt og bíða eftir svari. Það eina sem ég hef heyrt er að umsóknin sé komin á réttan stað og þeir ætli að reyna að svara mér sem allra fyrst. Vonandi verður næsti háskóla fréttatími fljótt og þá hef ég fleiri svör!

Árshátíðin 2007

2007-03-20T13:56:00.000Z

Árshátíð Kaupþings var alveg frábær. Það gekk allt upp, meira að segja guð blessaði samkomuna með því að láta Gísla Martein veikjast! Ég sótti kjólin í hádeginum fyrir árshátíðina og hann var alveg geggjaður, fékk flotta förðun og greiðslu. Fyrir partýið var skemmtilega kósý og árshátíðin sjálf alveg 100%. Allir strákarnir héldu varla vatni því það var Aston Martin bíll sem var hægt að pósa við og láta taka af sér myndir. Þar mátti sjá hinar ýmsu James Bond pósur hehe. Skemmtiatriðin voru mjög góð en mér persónulega fannst Stebbi og Eyvi bestir þegar þeir tóku Nínu. Bara allt í allt meiriháttar samkoma.

Árshátíðir

2007-03-15T20:31:00.000Z

It's the season! Síðustu helgi var árshátíð Pennans, hún var mjög spes. Frekar local húmor og fólk alveg rosalega mis fínt. Skemmtiatriðin voru rosalega upp og ofan, Herbert kom og tók tvö lög Can't walk away og Hollywood. Hann er rosalega spes og eiginlega bara ekkert fyndinn. Maturinn var þokkalegur en allt er þetta bara upphitun fyrir næstu helgi. Þá er the grand event, árshátíð Kaupþings sem er víst komin í blöðin. Það á að vera Eurovision þema, og sögusagnirnar eru farnar að fljýga hverjir eiga að mæta. Það eina sem er staðfest eru veislustjórarnir Gísli Marteinn og Logi Bergmann Eurovision kynnar. Páll Óskar ætlar að halda uppi stemmingu yfir matnum. Allt þetta á að gerast í Laugardagshöllinni svo verður gist á Hótel Sögu. Ahh ég er bara að verða nokkuð spennt yfir þessu öllu saman. Jájá svona eyðum við öllum gróðanum af vöxtunum ykkar. If you don't like it hættið þá með yfirdráttinn ykkar og grjót haldið kjafti!

Besta mynd ársins

2007-03-05T10:21:00.000Z

Ég horfði á The Departed um helgina og vá ég skil rosalega vel hvers vegna hún fékk óskarinn. Þetta er mynd sem ég mæli með, hún er 2 og hálfur tími og maður tekur ekki einu sinni eftir því. Leonardo er að verða einn af topp leikurunum í Hollywood núna, hann leikur þetta alveg rosalega vel. Svo eru fleiri stórleikarar í myndinni eins og Matt Damon, Jack Nicholson og Mark Wahlberg sem leikur æðislega reiða löggu. Rosalega spennandi mynd með alveg yndislega góðu plotti. Hún fær alveg margar margar stjörnur frá mér.

Háskólaumsóknir

2007-03-02T21:51:00.000Z

Úfff þetta er eitthvað sem ég hélt að væri ekkert mál en er farið að reynast mér frekar erfitt. Ég held að þeir sem komast í gegnum allar leiðbeiningarnar til þess að fylla út umsóknir hafi þar með sannað sig og eigi sjálfkrafa að fá inngöngu í skólann. Það þarf að grafa upp háskóla pappírana og það sem reyndist erfiðara var að finna menntaskóla dótið sem þá reyndist bara vera á íslensku. Þá þarf maður að hafa samband við skólann og láta þá þýða þetta fyrir mann. Svo er næsta mál að redda sér meðmælum, tvennum, einum frá kennara og einu frá vinnuveitenda. Allt þarf þetta að vera vottað, stimplað og skráð! En þetta er bara brandari því þá kemur að "personal statement" Hvers vegna ætti ég að læra þetta og hvernig ætla ég að nýta þetta nám í framtíðinni, common hleypið mér bara inn og ég skal segja ykkur það seinna. Svo þegar það er loksins komið að því að skrifa niður hvað það er sem maður vill læra, þá á maður erfitt með að muna það. Ég held að ég eigi eftir að gubba yfir þessu öllu saman!!!

Heimsfrægur á Íslandi

2007-02-22T12:57:00.000Z

Til hamingju elsku Hjalti minn, þú ert á barmi heimsfrægðar. Þeir sem vita ekkert um hvað málið snýst geta lesið þessa ágæti grein. Ég er reyndar enn svekt yfir því að þú hafðir ekki epli í lógóinu, mér fannst það bara meika mest sens, en í staðinn ertu með lime að utan og appelsínu að innan. Þetta er greinilega einhver ávöxtur sem hefur ekki náð að festast hérna fyrir norðan. Vaxa kannski villtir á trjánum við Bergþórugötuna?? En allavegna þá er ég stolt af þér!

Krulla

2007-02-20T13:00:00.000Z

Já þetta er nýjasta sportið, Krulla. Kaupþing setti saman lið til þess að taka þátt í nýliðamóti og köllum við okkur Kapaflingfling! Við prufuðum öll þetta í fyrsta skiptið fyrir tveimur vikum og erum núna næstum orðin pro. Við erum ósigrðuð í mótinu. Reynar varð að dæma okkur sigurinn í fyrsta leiknum þar sem Glitnir mætti ekki til leiks (líklega af ótta). Í gær voru tveir leikir hjá okkur, fyrst unnum við Landsbankann og svo Karólínus. Núna erum við efst í deildinni, en erfiður leikur er framundan. Keppnin klárast á laugardaginn og þá sjáum við hvar við stöndum.

Þjónust er lykilatriði

2007-02-07T14:47:00.000Z

Það er alveg ótrúlegt hvað þjónusta getur skipt öllu máli, þetta veit maður eftir að vera búin að vinna í svoleiðis vinnu í mörg ár. Maður verður svo rosalega glaður þegar maður fær góða þjónust en jafn ömulega svektur þegar maður fær hana ekki.

Dæmi um góða þjónustu; við hérna í vinnunni sendum Birtu póst og spurðum hvort hún gæti saumað á okkur kjól. Fengum svar strax aftur þar sem hún sagði að það væri bara alveg sjálfsagt og við mættum endilega hringja í hana. Ég varð alveg rosalega ánægð að heyra þetta og er alveg staðráðin í því að versla við hana.

Dæmi um lélega þjónustu, ég hringdi í Abaco áðan til þess að panta mér tíma í Andlitsbað, andlitshreinsun og plokkun og litum. Þetta er pakku upp á 12.000kr en það er ekkert mál því ég á gjafabréf hjá þeim. Þessi meðferð tekur þónokkurn tíma og þessvegna ætlaði ég að fá tíma á laugardegi, enda ekkert sérstaklega gaman að fara í svona dekur og vera svo stressaður við að komast aftur í vinnuna. Ég fékk það svar að þetta væri ekki hægt að gera á laugardegi!! Það er víst svo léleg nýting hjá snyrtifræðingunum þá. Þetta þýðir semsagt fyrir mig að ég get ekki gert það sem mig langaði að gera og ég verð bara virkilega grautfúl. Mig dauðlangaði að fara í þetta fyrir árshátíðina.

Hvað á maður að gera??? Á ég ekki bara að hætta að versla við þetta fyrirtæki og færa mín snyrti-viðskipti annað. Þarna fer ég reglulega í ljós, plokkun og litun, fótsnyrtingu og kaupi oft gjafabréf þarna, ég er viss um að eitthvað annað fyrirtæki vill þessi viðskipti mín. En ég er svo sem ekki alveg búin að gefast upp, ég ætla að halda áfram að reyna að koma mér þarna inn í þetta svo ég geti klárað gjafabréfið mitt. En eitt er víst að ég bið ekki um gjafabréf frá þeim oftar!

2007-01-31T14:43:00.000Z

Þetta var einhver sá sárasti ósigur sem ég hef upplifað. Ég var komin með dúndrandi hausverk og orðið verulega óglatt, en samt hélt maður áfram og tapa svo í framlengdum leik! Ef við hefðum unnið þennan leik gegn "frændum" okkar dönum hefðum við náð lengra á HM en við höfum nokkurtíman gert. En núna er sá draumur úr sögunni. Ég hélt að hetjan hann Alfreð myndi ná þessu, en það vantaði bara herslu muninn. En þeir mega eiga það að þeir stóðu sig vel strákarnir og börðust alveg fram á síðustu sekúndu. En stundum er það ekki alveg nóg!

A blast from the past

2007-01-25T14:31:00.000Z

OMG Þetta er rosalegt, var að fletta einhverri síðu þegar ég rakst á þessa mynd. Þetta er mynd af aðalsöguhetjunni í teiknimyndaþáttunum Jem sem fjallaði um stelpna rokksveit sem var að meika það. Þetta var ein af mínum uppáhaldsteiknimyndum og betra en það ég átti tvær dúkkur úr þáttunum þar á meðan þessa sem sést á myndinni. Hún var með fagurbleikt hár í þessum líka flotta bleika kjól með geðveikt belti. Svo átti ég einnig gítarleikarann í hljómsveitinni sem var svört kona með fjólublátt hár í geggjuðum spandex kjól. Þessar dúkkur voru aðeins stærri heldur en Barbie og ekki alveg jafn meðfærilegar en þeim fyldi standur sem var hægt að festa á fæturnar á þeim svo þær stóðu. Ekki var hægt að láta þær performa sitjandi!!! Það besta við þessar dúkkur var að þeim fylgdi kasetta með öllum helstu slögurunum þeirra hehehe. Hvar í ósköpunum ætli ég hafi fengið þessar dúkkur, ég þarf greinileg að ræða þetta við mömmu og kannski fara að grafa í kassana mína og gá hvort ég geti ekki fundið hljómsveitina.

Al íslenskar grenjuskjóður

2007-01-21T18:53:00.000Z

Íslendingur gefur 1. miljarð til góðgerðamála, við erum að tala um 1000. miljónir! Maður myndi halda að fátt annað yrði rætt heldur en þessi góða gjöf, en nei al íslenskar grenjuskjóður eru að væla yfir því að sami maður hélt svo afmælisveislu og fékk Elton John til þess að skemmta. Þá byrja vangavelturnar hvað fékk Elton John mikinn pening, einhverjir segja 70 miljónir ætli það sé ekki sama fíflið og sagði að John Cleese hefði fengið 70 miljónir fyrir Kaupþings auglýsinguna. Hvað kom þar í ljós hehe jú auglýsingin í heild kostaði innan við 18 miljónir. Einhver kelling sagði í Silfri Egils "afhverju gaf hann ekki bara 1 miljaðar og 70 miljónir". Alltaf skal allt gott svert! Þegar einhver sem á pening gefur til góðagerðarstarfsemi þá heyrast alltaf sömu raddirnar með sama vælið... isss hann hefur sko efni á þessu, þetta eru bara smáaurar fyrir hann. Það að vera ríkur á Íslandi virðist vera loose loose. Ef ég verð rík ætla ég að flýja land!

Sól, sandur og sangría

2007-01-15T19:21:00.000Z

Það er búið að vera rosalega kalt síðustu tvær vikurnar og hvað gerir maður þá....fer á netið og bókar sér ferð eitthvert langt í burtu, þar sem er sól, sandur og sangría. Já einmitt ég er búin að bóka ferð fyrir mig og Nonna til Lanzarote, núna þarf ég bara að sitja við dagatalið og telja niður. 17. júní förum við út, það er ekki hægt að vera meira þjóðernissinnaður en að fara út á þjóðhátíðardaginn sjálfan. Hérna fyrir ofan má sjá hótelið sem við ætlum að vera á, aahhhh 5 stjörnu svítu hótel. Það besta við þetta er að ég hef komið þarna áður þannig að ég veit að ég verð ekki fyrir vonbrigðum. Það verður rosalega gaman að fara með hann Nonna minn sem er "beach virgin" til sólarlanda og upplifa þennan yndislega stað með honum.

Ný uppgötvun!

2007-01-12T14:33:00.000Z

Ég varð fyrir þeirri skemmtilegur reynslu í gær að uppgötva alveg nýjan hlut. Sá hlutur var enginn annar en útvarpsstöðin Rás 2!!! Já ég veit hún er svo sem ekki beint ný á nálinni en fyrir mér er hún alveg glæný. Svo skemmtilega vildi til að strákarnir á kaffi torgi voru með kveikt á þessari nýju rás allann gærdaginn og ómaði hún því hingað til mín í vinnuna. Þarna var spiluð bara næstum öll mín uppáhaldatónlist, bara mörg góð lög...Í RÖÐ! Þarna mátti heyra Peter, Björn og John með Young Folks, Ski Jumper með Hafdísi Huld, Jack Johnson með hvern slagarann á fætur öðrum. Þetta var alveg frábært ég bara vissi ekki að það væri svona góð tónlist til í útvarpinu. Var þetta eitthvað sem þið vissuð öll en vilduð ekki leyfa mér að vera með í?

A.D. 2006

2007-01-11T13:35:00.000Z

Ég hef aftur orðið fyrir miklum þrýsting til að fjalla um árið sem var að líða. Er það bara ég eða á þetta við fleiri að muna ekki alveg hvað gerðist á síðasta ári og hvað því þar síðasta. Ég held til dæmis að ég hafi farið til útlanda á síðasta ári en er samt ekki viss. Held að ég hafi í janúar farið til London til þess að fara á Jack Johnson tónleika, ekki miskilja mig þetta var eitthvað sem ég gleymi aldrei, en ég man bara ekki hvort þetta var 2006 eða 2005. Ég man að ég útskrifaðist út háskólanum, varð viðskiptafræðingur og ég man að ég byrjaði í fullri vinnu. Hey jú fór til Köben í desember, já sennilega fór ég þá tvisvar til útlanda á árinu. Það er betra að muna eitthvað svona sem gerist bara árlega eins og ég fór á Airwaves, þetta voru góðir tónleikar sem ég fór á núna í ár. Hugsanlega besta airwaves sem ég hef farið á, maður eyddi ekki öllum stundum í röð. Svo fór ég á mikið djamm með bankanum, það var vorfangaður, haustfagnaður, jólaglögg, jólahlaðborð, þjónustufundur í rvk með eftirminnilegu flugi. Árið endaði svo með yndislegum dögum sem við vinahópurinn eyddum saman, með spilakvöldi og sleepover. Þetta er spurning fyrir mig hvort ég ætti að fjárfesta í dagbók eða bara leyfa þessu að fljóta svona framhjá mér án þess að ég nái að skrá þetta niður.

Gleðilegt nýtt ár!

2007-01-01T18:57:00.000Z

Jæja þá er 2007 komið, gamlárs heppnaðist mjög vel hérna hjá okkur. Ég elskaði skaupið, ég fíla svo innilega þennan húmor. Hugleikur og Þorsteinn er greinilega alveg frábær blanda. Einnig sem sannur Kaupþings starfsmaður fannst mér John Cleese auglýsingin alveg frábær og bíð spennt eftir hinum tveimur. Gamlárspartýið var líkt og venjulega hjá Karen og var einstaklega skemmtilegt síðan var haldið niður í bæ. Eitthvað var staðavalið takmarkað og því ákveðið að fara á Kaffi Ak, það var ágætt. Tónlistin var bara mjög þokkaleg og ekkert brjálæðislega mikill troðningur. All and all var þetta bara mjög skemmtilegt kvöld. Þetta verður gott ár!

Komdu með í Gamlárspartý!

2006-12-29T16:38:00.000Z

Jæja senn líður að gamlárs, ekki förum við að bregða út af venjunni og eins og alltaf býð ég í partý, hjá Karen. Ég vona að það verði góður slatti af fólki sem kemur, síðan verður örugglega haldið niður í bæ á vit ævintýranna! Jess

Girls Just Wanna Have Fun!

2006-12-27T22:08:00.000Z

Annar í jólum. Ég, Karen og Hjalti fórum niður í bæ til að skoða skemmtistaði bæjarins. Kvöldið byrjaði á Karólínu, tvö reykmettuð herbergi full af öllum helstu listaspírum bæjarins. Áður en gengið er inn er best að kíkja í Frúnna og kaupa rétta settið til að vera í. Næst var haldið á Kaffi Ak, töluvert minna reykmettað en svo virðist sem einhverjum starfsmanni hafði láðst að kveikja á loftræstingunni. Þakin í eigin og annarra manna svita staulast maður út á dansgólfið til að kastar til og frá með skrokkunum sem voru þar fyrir. Tónlistin er af hæðstu gæðum, Sálin með slagara eins og Krókurinn það verður varla betra en það. Að lokum var haldið á Amor, tónlistin þar var dulafult lá vanalega er hún nógu há til að æra óstöðuga en ekki í þetta skipti. Það var auðveldlega hægt að setjast niður og spjalla. Vel reykmettað en varð víst töluvert meira þegar á leið eins og má lesa hérna. Líklega skársti kosturinn þetta kvöldið fyrir frekar low key stemmingu. Eru skemmtistaðirnir á Akureyri alveg búnir að syngja sitt síðasta?

Hvað er þetta Jólaskap eiginlega

2006-12-21T12:24:00.000Z

Hvaða eilífa röfl er þetta um jólaskapið. Felstir sem ég umgengst tala um það núna að þeir séu bara ekki komnir í jólaskapið og að það þurfi hitt og þetta til þess að koma þeim í þetta fræga skap! Síðast í gærkvöldi tilkynnti Nonni það að til þess að hann kæmist í jólaskap þurfti að koma ákveðin auglýsing í sjónvarpinu, og viti menn ekki liðu nema nokkar sek þangað til að þessi fór að hljóma. Þetta virðist vera eina árstíðin sem kallar á það að maður sé í einhverju ákveðnu skapi þegar hún kemur, aldrei heyri ég sagt ... iss ég er bara ekki komin í neitt páskaskap! En hvernig er það berum við ekki sjálf ábyrgð á því að koma okkur í eitthvað ákveðið skap, er það búðanna að skreyta, sjónvarpsins að láta réttu myndirnar og auglýsingarnar eða þurfum við bara sjálf að leita inn í okkur eftir þessu yndislega jólaskapi!

Pakkar!

2006-12-20T15:10:00.000Z

Pakkar eru svo rosalega mis spennandi, það eru alltaf nokkrir sem eru í sér hópi. Pakkinn frá mömmu er oftast spennandi, nonna pakki getur verið óútreiknandi. Pakkinn frá vinnunni er mjög skemmtilegur í ár. Ekki jafn stór og í fyrra, ótrúlega þungur miðað við stærð! Ein önnur gjöf sem er alltaf ofarlega á skemmtana-skalanum er pakkinn frá Karen, alltaf flott pakkaður inn, einstakur! Nokkrir pakkar eru komnir í hús í ár, pakkinn frá Ömmu og Afa, það er fallegur vasi sem afi gerði. Pakkinn frá KB banka allur gulli skreyttur, komin með fiðring í fingurnar. Auka pakki frá ömmu mjög skrautlegur. Úff þetta er spennandi!

Jólin koma

2006-12-15T13:26:00.000Z

Núna hellist jólaskapið yfir mig. Það var jólamatur í hádeginu í bankanum, litlu jólin eru í kvöld. Jólaskrautið mitt er komið upp, meira að segja George Jenson stál englarnir mínir. Ég er búin að kaupa allar jólagjafirnar og pakka öllum inn, nema einni. Búin að velja jóladressið...... Jólin mega bara koma, svona mín vegna. Núna getur maður notið þess að vera til, fer ef til vill á eina opnun í Boxinu, fæ mér kaffi og köku á Bláu Könnunni, aaahhhh og slappa af. Þetta verða góð jól!

2006-12-12T21:20:00.000Z

Home Sweet Home

2006-12-11T16:49:00.000Z

Þá er maður lentur aftur á Klakanum Það var mjög gaman í Köben. Ég fór og labbaði þetta fræga Strik, frem og tilbage. Heimsótti Tívolíið og verslaði og verslaði alveg þangað til að það kom synjun á kortið! Frábær bankastarfsmaður þetta, fékk synjun á kortið sitt og var að biðja mömmu að bjarga sér. En ég var allavegna ekki sett í skuldafangelsi úti, og gat keypta voða fallega hluti. Ég er að husga um að fá Nonna frænda til að rífa Kaupang og opna Magasin du Nord þar! Ég er svo sannalega ástfangin af þessari búð. Þegar að ég dey vil ég vera grafin þar!

Köben Here I Come

2006-12-06T12:35:00.000Z

Jæja... Eftir sólahring verð ég á vappinu í Kaupmannahöfn. Það er svo merkilegt það eina sem ég veit um Kaupmannahöfn og reyndar Danmörk er það sem maður las í skólabókunum. Ár eftir ár las maður um Tívolíið, Strikið og Bakken. Ætli Íslensku bækur séu svona, fjalli allar um Laugarveginn, Perluna og Fjölskyldugarðinn? En hverju sem það skiptir þá verð ég allavegna Slank og Glad eins og Nonni myndi segja það! Skemmtið ykkur á klakanum á meðan

All I Want for Christmas

2006-11-29T14:43:00.000Z

Vegna fjölda áskoranna hef ég ákveðið að setja upp tilraunablogg. Þetta er tímabundin tilraun sem verður endurskoðuð snemma á næsta ári. En þar sem jólin nálgast ákvað ég að setja óskalistann minn sem ég var búin að semja inn á þessa nýju síðu.

Teygjur, bók
Endalaus orka, bók
Calvin Klein, náttföt (fást á Glerártorgi)
Ritzenhoff glös, hvítvíns og Pearl
Yoga set, t.d. Savasa Yoga Fitness Kit
Hendrikka Waage, hring og eyrnalokkar

Endilega látið mig vita hvernig ykkur líkar þetta blogg!